Egiten da etxean, egiten lanean / egiten da zeozer behar dugunean.
Ez beteta hobe da gehien-gehienean / hustu egiten baita betetzen denean.
Gure izaeraren ispilu, islada / berez etor daiteke ohi duen gisara.
Bestetan geuk ekartzen dugu, baina hara! / Osoago izaten da betetzen ez bada.
Esan dut dela gure izaera zati / hurbilaraz dezake dagoena urruti.
Ezinezko zaiguna ematen badaki / gaiztoa izan leike, ez da ona beti.
Ez dugu beti leku bereko jarduna / une etsienetan daukagun laguna.
Sarri lotan gaudela etortzen zaiguna / esna gaudela ere egiten duguna.